Шиеленіскен ірімшік

Чечил — аудармасы «шиеленіскен» дегенді білдіретін, сиыр сүтінен жасалатын армян тұздықты ірімшігі. Ол өрім, жіңішке жіп, кеспе, сабан түрінде шығарылуы мүмкін. Бастапқыда армян бақташылары чечилді сүтті қысқа сақтап қою мақсатында жасай бастаған. Айта кету керек, төмен температурада оның сақталу мерзімі 60 күннен асады.

Ірімшікті майлылығы төмендетілген жаңа сауылған пастерленген сиыр сүтінен жасайды, оны жануар текті мәйек ферментінің көмегімен ұйытады. 32 градусқа дейін қыздырылған сүтке мәйек ферментін немесе пепсин қосады. Содан кейін пайда болған ірімшік ұйындысын араластырып, 60 градус температураға дейін қыздырады. Ірімшік үлпектерін жинап, тұздайды және күнге жаяды. Ірімшік жіптері қолмен немесе арнайы УФСН жабдығының көмегімен қалыптастырылады. Өрілген жіптерді тұзды ерітіндіге салады, ірімшік онда шамамен бір ай тұрады.

Атап өтуге тұрарлық қызықты дерек: ерте заманнан чечил ірімшігінің сапасын ине көзі арқылы тексерген — ірімшік жібі ине көзінен өтуі тиіс болған.